مانسيتك-----------------------بقلمي:عبدالقادر الصديق إبراهيم

[center]
ما جفيتك و ليك نسيت
ما ظلمتك و ما سليت
لأني كنت ليك وفي
لمن عشقتك و ليك هويت
و مهما تنساني و تجور
أنا ببقى ذاكرك ما حييت
**** **** ****
أنا كنت بتمناك حبيب
و كنت دايما بيك بحلم
ليك أوفيت في ودادك
وقلبي في يوم ما تظَلَّم
ليك أخلص في هواهو
و كل حبيب غيرك نساهو
و لي جنابك أمرو سلَّم
كنت راجيك يا حبيبي
ليا ترجع وليه ترحم
و ما تسيبني للزمان
يدور بقلبي وليه يظلم
**** **** ****
يا حبيبي
دي المطارات التودي
برضو كان تقدر تجيبك
كان تخليك لي تحن
و تعصر الأشواق قليبك
ماكان حبيبك يوم بتوه
ويملى بالساساق دريبك
ما كان عشمنا نحنا فيك
إنك تعذب لي حبيبك
**** **** ****
يا حبيبي
أنا لسة بتذكر كلامنا
القلنا في عمر الجهل
و كم كتير كنا نحلم
وكنا بنعيش بالأمل
ليه تبيد الحلم ظلما
بي كلام لحظة زعل
وأدتو حبنا في صباهو
ما خفت منو إذا إتسأل
يحكي عن أسباب بعادك
يحكي ويقول الحصل
**** **** ****
و لسة للآن ما نسيتك
و ما هويت أنا زول سواك
و لسة بتمنى يعود
الزمان الكان معاك
رحت سافرت و نسيتو
ظلمت قلبا ما نساك
خليتو زي عصفور سجين
ضاهت حياتو بي وراك
**** **** ****
يا حبيبي
أنا كم كتير شفت الهوان
بس بعادك كان أمر
و كم بقاسيني العذاب
لما طيفك يوم يمر
يخطف الأشواق وراهو
لو في الخيال لوَّح عبر
و برضي بترجاك تعود
تبدل الحال لي تسر
و أنا لسة ذاكرك ما حييت

رائعة وأعجبتني كلماتها جدا ..
بارك الله فيك وسلمت يمناك

ربنا يخليك يا دكتور علي الذوق الراقي جدا