احلي ما قيل .....منقول

[center]
وبديت هواي منك عذاب ......يوم سقت خطوي علي قلبيك احتمال تبقي العشم

وكتمت في نفسي احتضار الامنيات ....وقت الحنين اصبح معاك كوم من ندم

وعرفت انك زي قدر مكتوب علي....محال لا اوصلك لا اشتهيك

واصعب قدر انك تحب نور القمر....تتشابي ما تلحق مداه وتبقي هايم منتظر
.
.
.

بعد انتهت في قلبي ذابت رقتها....رجعت بتنبش ريدي ببتين شعر

تغزل حروفها وجع قصيد .....تطرق علي ابواب قلبي ال من هواها هواه فتر

رجعت تفتش في صبابتها احتمال تلقاني جد ما من فراغ....او تحتوي الجرح النزف ما من عدم

تعرف ضني الليل البهد عزم المحب لو بيهو طال ..........وانا ياما قبلك ليلي طال

لا نجمة حن علي جفاك....... لاصبحه مرة قادر يمنحني الواصل

لا قلبك انصف في هواي............ لا رد جاوب عن سؤال

.

.

.

لكنه سلطان الغرام يملك قلوب من غير تحس ....ويسقيها شهد الريد مرار

ويلوعك هجر الحبيب .......يفرض عليك اصعب قرار

كونك تحب لزول عزيز تلقاهو عارف لهواك....يجزيك بدل تحناه ودار

واناما بلومك او حتي اصدك عن هواي...لكن بلوم قلبي اللي رجاك

ما الريد بيطرق كل قليب ....لكنه عميان لو سكن قلبا بودر وما بقدر لهواك

لكنه عميان لو سكن قلبا بودر وما بقدر لهواك