زهرة عناد الريح ------------------بقلمي:عبدالقادر الصديق إبراهيم

يا زهرة في وسط الحقول

بتغالب الريح بالتعب

بتقضي يومك في الصراع

و بقيتي للريح في المهب

بتميلي زي رقصة عروس

مكلولة بالماس و الدهب

كم فيكي من شاعر وصف

هام لينا بالبهجات وهب

وكم بيكي من راسم وِِلِه

تاه في ملامحك من عجب

وكم ليكي من عاشق حكى

و أشعل الأشواق لهب

كيفن تجور فيكي الرياح

ترميكي في الزمن الصعب



خليها تمشي و فيك تمر

ما أصلها الريح ما بتضر

غصنا مطوع بالصبر

صابر علي الزمن الكعب

خليها تتخلل مسامك

كما طيب الهوا

والهمبريب

ريحة دعاش

زيفة رشاش

نفحة حبيب

تحميكي من جور الزمان

تديكي من جوفها الأمان

تتغطي من حر اللهيب

و خليها تسرق من رحيقك

تهديه لي ولهان عطر

تبقالو في ذكرة حبيب

طول شديد قاطع الخبر

خليها ريحا فيك تجي

خليها للعشاق تسر

و إتصبري

شان تقدري

تقولي للريح في ثبات

تعالي يا ريح من سكات

شيلي روح عاشق محب

كان كلامو قبل يموت

ياريح

تراني انا عندي رب

تراني أنا عندي رب

وتميهو رقصك في أمان

حليه رقصك بالطرب

قصيدة جميلة جدا كعادتك يا مبدع
وفي إنتظار المزيد
تحياتي وتقديري

مشكووووووور يا د عروة وربنا يديك العافية