خواطر .. بقلمي

كل ما أحاول أمسك راس الخيط يقوم يضيع مني .. والخيط زاتو راسو لفه .. وبقي ما عارف يخش بي ياتو خرم .. لإنو شايف خرم الإبرة إتنين إتنين .. فبقي ما مركز وطشت شبكتو .. زي ما طشت شبكة الإبرة زاتها .. البقت ما عارفه راسها من كرعيها .. وبقي حاير بيها الدليل المفروض هو زاتو يرشدها لطريق الصواب الإحتار هو زاتو لمن لقي مفترق طرق .. فبقي ما عارف يختار ياتو طريق فيهم عشان يصل للهدف الهو زاتو ما عارفو شنو .. لأن الهدف عاوز حاجة توريهو هو شنو زاتو .. وللإسف الحاجة زاتها إعترفت تفصيليا بأنها تائه زي الإبرة في كوم القش الهو زاتو ما عارف الجابو شنو والإبرة دي وقعت فيهو كيف أصلا .. ولمن سألنا الإبرة عاينت لينا في ذهول وقالت إنو آخر شي بتتذكرو إنها كانت نايمة في بكرة الخيط الكانت مختوته جنب كومة القش ..