عطش الفريق ---------------- بقلمي عبدالقادر الصديق

يالواردة شان تسقي الفريق
راجينك الناس بالسلام
الشوق وصل حد الحلوق
روينا تميهو المرام
خلينا نبراك بالعطش
نتروى منك بالكلام
يا واردة سقي الناس معاك
الحلة هداها الجفاف
الريح رمت رمل الفراق
غطت كراريسي الرهاف
و العين من السهر الطويل
قطن دموعها من النشاف
اروينا يا واردة السلام
واقفين وطال بينا الوقاف
القربة و الأزيار وراك
من فتي بالفضيان خفاف

يا واردة من بير الوداد
أوعاك بعيد ما تسرحي
الشوق مقارب للعروق
قلبي المعاك ما تروحي
و لو طول المشوار عليك
سليهو مرة و فرحي
عارف عليك الشيل
تقيل و الهم وراك
ساكن طريقك في المشي
لكني زي الهم معاك
احميك من جور الزمن
لو صادفك تابع خطاك
الناس من الريد في نعيم
و أنا قلبي منهم إصطفاك
لكني ما شفت النعيم
لا إنتي زي الناس غشاك